سپریم کورٹ کا فیصلہ تشریح کا متقاضی ہے، تشریح کے لیے قانونی راستہ اختیار کر رہے ہیں، ماورائے آئین اقدامات نہیں کرنا چاہتے، گورنر پنجاب کا الیکشن کمیشن کو جواب، اعلامیہ الیکشن کمیشن
گورنر پنجاب نے الیکشن کمیشن کو پنجاب میں انتخابات کی تاریخ دینے سے انکار کر دیا۔ انہوں نے کہا کہ پنجاب اسمبلی تحلیل نہیں ہوئی۔ آئین کے تحت الیکشن کی تاریخ دینے کا اختیار نہیں۔ سپریم کورٹ کا فیصلہ تشریح کا متقاضی ہے۔ اپنا رہے ہیں، ماورائے آئین اقدامات نہیں کرنا چاہتے۔
اعلامیہ الیکشن کمیشن کے مطابق لاہور ہائیکورٹ کے حکم پر رواں ماہ 13 فروری کو سیکرٹری الیکشن کمیشن، سپیشل سیکرٹری، ڈائریکٹر جنرل لاء نے گورنر پنجاب سے مشاورتی اجلاس منعقد کیا، جس میں پرنسپل سیکرٹری گورنر پنجاب، سیکرٹری الیکشن کمیشن اور دیگر نے شرکت کی۔ اجلاس میں چیف سیکرٹری پنجاب اور آئی جی پنجاب نے بھی شرکت کی۔ سیکرٹری الیکشن کمیشن نے گورنر کو بریفنگ دیتے ہوئے بتایا کہ سپریم کورٹ کے حکم کے مطابق یہ اجلاس الیکشن کمیشن کی ہدایت پر منعقد کیا جا رہا ہے تاکہ صوبے میں صوبائی اسمبلی کے عام انتخابات کے انعقاد کی تاریخ پر مشاورت کی جا سکے۔
گورنر پنجاب سے پنجاب کے عام انتخابات پر مشاورتی اجلاس ہوا، گورنر نے پنجاب اسمبلی انتخابات کی کوئی تاریخ نہیں دی۔ ملاقات میں گورنر پنجاب بلیغ الرحمان کا کہنا تھا کہ انہوں نے پنجاب اسمبلی تحلیل نہیں کی اس لیے وہ آئین کے تحت الیکشن کی تاریخ دینے کے مجاز نہیں، اس صورتحال میں ان کی تجویز الیکشن کمیشن پر پابند نہیں ہوگی۔ کہ وہ ماورائے آئین اقدامات نہیں کرنا چاہتے۔
گورنر پنجاب نے کہا کہ ہائیکورٹ کا فیصلہ تشریح کا متقاضی ہے، جس کے لیے ہم قانونی راستہ اختیار کر رہے ہیں، آئین اور قانون کی تشریح ضروری ہے، اس لیے انہوں نے سردست صوبائی اسمبلی کے انتخابات کی تاریخ نہیں دی۔ الیکشن کمیشن میں جاری بیان میں کہا گیا ہے کہ گورنر پنجاب نے مزید کہا کہ چیف سیکریٹری اور آئی جی پنجاب نے 8 فروری 2023 کو الیکشن کمیشن سیکریٹریٹ اسلام آباد میں پنجاب کے مالیاتی اور سیکیورٹی امور کے حوالے سے الیکشن کمیشن کو تفصیلی بریفنگ دی تھی۔ اجلاس میں دوبارہ بریفنگ کی ضرورت نہیں۔
