لندن: ایک تحقیق میں بتایا گیا ہے کہ سمندری غذا، سارا اناج، گری دار میوے اور سبزیوں سے بھرپور غذا ڈیمنشیا کے خطرے کو 25 فیصد تک کم کرسکتی ہے۔
بی ایم سی میڈیسن جریدے میں شائع ہونے والی ایک تحقیق میں ماہرین نے یہ نتیجہ اخذ کیا کہ جو لوگ بحیرہ روم کی خوراک کھاتے ہیں ان میں ڈیمنشیا ہونے کا امکان نمایاں طور پر کم ہوتا ہے۔
ماہرین کے مطابق تحقیقی نتائج یہ بھی بتاتے ہیں کہ اس بیماری کے بڑھنے کے خطرے کے سلسلے میں خوراک کے ساتھ طرز زندگی کے دیگر عوامل بھی کتنے اہم ہیں۔
تحقیق میں محققین نے 60 سال یا اس سے زیادہ عمر کے 60,000 سے زائد افراد کے ڈیٹا کا مطالعہ کیا۔ مطالعہ میں شرکاء سے کھانے کی 206 اقسام اور مشروبات کی 32 اقسام کے بارے میں تفصیلات طلب کی گئیں۔ ان افراد کو بعد میں بحیرہ روم کی محدود غذا کے استعمال کے لیے اسکریننگ کیا گیا۔ تقریباً ایک دہائی تک جاری رہنے والی اس تحقیق میں ڈیمنشیا کے 882 کیسز شامل تھے۔
جو لوگ باقاعدگی سے بحیرہ روم کی خوراک کھاتے ہیں ان میں ڈیمنشیا ہونے کا خطرہ ان لوگوں کے مقابلے میں 23 فیصد کم تھا جو باقاعدگی سے غذا نہیں کھاتے تھے۔
